م أنا ... والشعر ... والمساكين

أنا ... والشعر ... والمساكين






أنـا والرصيـف وشهقـة الـروح
أجسّ الحصـا والرمـل والطيـن
أتيـه وطريقـي عنّـيِ يــروح
يسافـر , يغيـب ويرجـع يبيـن
سفينة خيالـي مـن زمـن نـوح
طوتـهـا الليـالـي والخماسـيـن
كتبت القصايـد وانفجـر ضـوح
يشـلّ السمـا , يمطـر بساتـيـن
مسكـت القلـم وبخافقـي فــوح
عجـزت أكتمـه بيـن الشراييـن
وراح القلـم ... والليـل مسفـوح
يطـوف المـوانـي والميـاديـن
أضمـه وكفـي حيـل مـجـروح
أبي أكتب أبدا , بس من وين ؟؟؟!!!
تركت الورق , وحروفـي جـروح
مـن العـام تبكـي ليـن هالحيـن
أنـا والقصـايـد عـالـم وروح
عشقنـا بعـض عشـق المجانيـن
إذا كـان غيـري ينـزف البـوح
على شـان خاطـر داعـج العيـن
أنـا لا نزفتـه , صوتـي يـروح
لأجل تضحـك عيـون المساكيـن