نشوء .. وتنبت أحداقي هنا .. لكن على فكره
وحيد .. وكل ما أتشكل عشان الحلم يحيى بي
أحيّ بي .. يحيك أيدي .. دعاء وأقتطف صبره
يرتبني .. على صبح الصلاة وأنسج .. احبابي
كفيف .. وشارع أقداري .. يخبي لي كذا حفره
نظيف // أوسخ من الفقر اللعين وديمة أهدابي
صريح // اكذب من اخوان الظلام وثرثرة بكره
صغير / اكبر من أعباء الصدور وقلة اصحابي
قصير/ أطول من آمال السقوف ومرمر القمره
عميق // أطيب من أصفاد الغياب وأزأزة بابي
تهجا بي أذا ممكن !! عتيم . . ودمعة الحسره
ولكن تكفى .. لا تنشر .. غسيل ألوان جلبابي
تعال اجلس تأمل وجهي المنحوت بـ/السُمـره
خذ الكرسي هذاك . . أقرب تشرب ثم تمدرابي
كئيب الصبح . . لو شفته بعيني مشتعل فجره
بخيل الضحك لو ذقته تعالى .. وأطلق اسرابي
لأني من سجنت البرد .. كفين التعب .. مُكره
خذلت الريش.. وإحساس الفرو حتى تمركا بي
قليل اللي يمروني .. قروني .. واشي العبـره
وعينك . . ما تشوف الا نعال اليأس يلهابـي
حبيبي . . والعمر نوتة كمان وعازفك صـدره
تناما بالهموم / أخرق/ ركل لي راحة اعصابي
حبيبي . . به أمل وإلا كُتبت أحيا على عطـره
أشمه من بعيد . . ولا تعلق . . مره بثيابـي
معك ممكن تخليني .. وتستحوذ على النظـره
يتيمك . . تيه يدينك . . إذا حبيـت ترقابـي
سخيف الشعر لو يعني بقوله وأنت مـا تقـره
تعال أقره .. عشان الحلم يتناما .. ويحيى بي