م طعون الغياب

طلبتك بالذي خلّى عيونـك لـي مسـار ودار
أمانة لو خذاك الدرب يوم فْـسكّـة احبابـك
توقّف واشّر بإيدك.. يجوز تسولـف الأمطـار
عن حضورك وتتجمّع غيوم الشـوق باسبابـك
هنا مرت حكاية حب ونامـت زهـرة النـوّار
على كف اللقا ياللي عجزت اطرق بهـا بابـك
وش تظنّ الليالي اللي مضت إلا تعـب واسفـار
مادام ان الطريق اللي خذاك فْـيوم مـا جابـك
تعال انفض عن ايامي تعب مَ ادري بقايا غْبـار
تعال وكحّل عيـون السنيـن بلفتـة اهدابـك
تعال اتهجّى في حضورك كلام مَ انكتب فَـاشعار
تعال امحيني واكتبني قصايد حـب فـي كتابـك
تعال مسامح طعون الغياب ومـا أريـد اعـذار
تخيّل كل ما فيني سكنتـه وصـار يحيـى بـك