--------------------------------------------------------------------------------
براءه ياجحـود الحـب يامستوطـن التفكيـر
براءه غيب عن فكـري وأنـا باعدّهـا خِيـره
أنا مايوم رديتـك برغـم إنـك طلبـت كثيـر
أبيك تفك لـي قيـدي وتنفينـي مـن الدّيـره
أفضل عيشة المنفى ولا أسكن بقلـب صغيـر
أعيش بعزتي غربـه وأجيهـا دون تأشيـره
وطن ياما صبر أمسي وباكر ماحصـل تغييـر
وطن مليت طعناتك خـلاص وفضّهـا سيـره
أنا اللي شفت من ظلمك حقايق ترفض التزوير
ولاطاوعت من قالوا ترى ربّـي خلـق غيـره
معك مافادت الذكـرى ولا ينفـع أبـد تكريـر
خرابه كيف أأذن بك !! وذنبك كيف تكفيـره ؟
عجزت أكذب على العالم وأقول إنك كبير كبيـر
وأنت أكبر طموحاتـك تطلعنـي أنـا صغيـره
هنا لآخر نفس فينـي تحمّلـت الكـلام كثيـر
وشاعر عنده أسلوبك يخونـه ليـه تعبيـره ؟
هنا كانت معي روحي من جروحك تبي تحرير
وهنا قلبي رفض يسمع عذر جرحك وتبريـره
هنا جرحي على صدري صحى من لعنة التخدير
وهنا ماعاد يغريني سحـر شعـرك وتأثيـره
فمان الله وإنساني وأبي دايـم تكـون بخيـر
هنا شعري وقف وقفه وصفق لـه جماهيـره
وهنا آخر شطر عنّك ولا كـان لأحـد تأثيـر
( أنا لايمكن أتندم عليـك وعدّهـا خيـره !!)
التوقيع على ابراهيم ومحمدللتصميم