ليله
أنا وجروحي وطالب الحربي
وطالب الحربي وجروحي وأنا
الوقت يأخـذ وقـت .. والجـرح غايـر
يخفي ملامح غي يستنطـق حـروف !!
والليـل يكبـر فــيّ والــدم فـايـر
لا يطرح الدمعـة ولا يستـر الخـوف!
أتصفـح أوجـه مـا بهـا علـم نـايـر
كن الوجيه أخشاب مالت على كتـوف !
يا ليل خلفك من ضيـاء الصبـح زايـر
بضمه لعينـي .. ويسكـن بهـا شـوف
هديـت حيلـي داخلـي جـرح ثـايـر
أحمل رجولي ظـن .. وعيونـي كفـوف!
تستعطـف النظـرات صمـت الستايـر
تستثمر النظرة جفا الوصل مصـروف !
مـن طـول نظراتـي تعـرت سرايـر
ونور الشوارع شكـل الظـل ملفـوف !
يبّس بصدري شـوق والضحـك صايـر
يستجدي التمرير مـن حنجـرة أوووف!
همـس الشـوارع يستبيـح الصغـايـر
وفي أخره يجمع حونشـي وملقـوف !!
وأنـا بعييييـد بكـل هـدوء : اتطـايـر
جملة مشاعر جملة إحسـاس وظـروف
خلـف الجـدار الطيـن تنبـت عمايـر
جـادت بهـا أحـلام ليـدي معـروف !
يرمينـي المـاء .. وأتجـهـم دوايــر
يضحك / ووجهي من حجارته مخطوف !
مالـي سمـا .. وأرسـم جناحيـن طايـر
مالـي وطـن .. وأكلـم الأرض ملهـوف!
هـذي حياتـي تحـت رحمـة بشـايـر
يسبقني وقتي ../ أرتمي / تُشهر سيوف !
كفى يـا ليلـي سـوق الإحسـاس بايـر
كفى تتاجـر طعـم الأحـزان مألـوف!
تعـب يمـر الوقـت والجـرح غـايـر
كله ملامـح غـي .. تستنطـق حـروف
والليـل يكبـر فـيّ والــدم فـااايـر
لايطرح الدمعـة ولا يستـر الخـوف !
التوقيع على ابراهيم ومحمدللتصميم